महिला लघुवित्तले ५० प्रतिशत लाभांश दिने
काठमाडौँ, २४, असोज । महिला लघुवित्त वित्तीय संस्थाले ५० प्रतिशत लाभांश दिने भएको छ । कम्पनीको शुक्रबार बसेको सञ्चालक समिति बैठकले गत वर्षको नाफाबाट ४५ प्रतिशत बोनस सेयर र ५ प्रतिशत नगद गरी कुल ५० प्रतिशत लाभांश दिने निर्णय गरेको हो । प्रस्तावित लाभांश नियामक नेपाल राष्ट्र बैंक र आगामी वार्षिक साधारण सभाले पारित गरेपछि वितरण हुनेछ । यस लघुवित्तले गत वर्ष मात्र आइपीओ जारी गरेको हो । यस कम्पनीले गत फागुनमा आइपीओ जारी गरेको थियो । आइपीओपछि पहिलोपटक लाभांश घोषणा गरेको हो ।
