नेप्सेमा हरियाली, कारोबार रकममा भने आएन सुधार
काठमाडौँ ३ कात्तिक । नेपाल स्टक एक्सचेञ्जका अनुसार आज शेयर कारोबार मापक नेप्से परिसूचक ६०.५६ अंकले बढेर २,५७१.६६ विन्दुमा पुगेको छ । नेप्से २.४१ प्रतिशतले बढेको हो । यता सेन्सेटिभ परिसूचक पनि १२. ०९ अंकले बढेर ४८४.05 विन्दुमा पुगेको छ ।
कूल २१७ वटा कम्पनीकाे ६१ लाख १ हजार ४ सय १४ कित्ता सेयर खरिदबिक्री हुँदा २ अर्ब ६७ करोड ९० लाख २८ हजार १ सय ५५ रूपैयाँ बराबरको कारोबार भएकाे छ ।स्टकका अनुसार कारोबार भएका कूल १३ उपसमूहमध्ये आज सबै वटा उपसमूहकाे शेयर बढेको छ ।
त्यसैगरी, बुधबार काराेबार रकममा अरुण भ्याली हाइड्रोपावरले अग्रता कायम गरेकाे छ । आजको कारोबारमा पनि ६ कम्पनीका लगानीकर्ताले भने कमाएका छन् । बुधबार आँखुखोला जल विद्युत कम्पनीको शेयरमा १० प्रतिशतको वृद्धि देखिएको छ ।
त्यस्तै, युनिभर्सल पावर , मैलुङ खोला जलविद्युत कम्पनी, नेशनल हाइड्रो पावर,सिएचडिसी जलविद्युत कम्पनीको शेयर मूल्यमा उच्च वृद्धि देखिएको छ ।
