फितलो बन्दै खोप अभियान
काठमाडौँ, १२, कात्तिक । सरकारले विशेष रणनीति नअपनाउँदा कोभिड–१९ विरुद्घको खोप अभियान फितलो बन्दै गएको छ । असोज ११ मा ३ लाख १२ हजार ८ सय ७४ जनाले खोप लगाएकामा पछिल्लो दुई साता दिनमा औसत करिब ४७ हजार जनाले मात्र खोप लगाएका छन् ।
स्वास्थ्य तथा जनसंख्या मन्त्रालयका अनुसार बिहीबार १ लाख १ हजार ४ सय ७५ जनाले खोप लगाएका छन् । १४ दिनयता सबैभन्दा कम कात्तिक ७ मा ७ हजार ५ सय ७६ जनाले खोप लगाएका थिए । ‘खोप लगाउने दरमा धेरै गिरावट देखिएको छ,’ खोप विज्ञ डा। श्यामराज उप्रेतीले भने, ‘खोपको महत्त्व बुझेकाहरूले फटाफट खोप लगाए, अरूलाई हामीले यसबारे शिक्षित गर्न सकेनौं ।’ खोपको फाइदा बुझ्न नसकेका वा खोप नलिने मनस्थितिमा रहेका समूहलाई सही ढंगले शिक्षित गर्न जरुरी रहेको उनले बताए ।
कोरोना खोप समन्वय समितिका सदस्य डा. जीडी ठाकुर सर्वसाधारणलाई खोपका लागि तयार पार्न मोबाइलमा रिङटोन बजाउनेबाहेक प्रभावकारी रणनीति सरकारले बनाउन नसकेको बताउँछन् । ‘सुरुमा खोप लिन मान्छे हच्किए तर महत्त्व बुझेपछि शिक्षित, जानकार वा फाइदा बुझ्न सकेकाहरू आफैं अगाडि आएर खोप लिए,’ उनले भने, ‘अब घरदैलोमा गई सर्वसाधारणको विश्वास जितेर कोभिडविरुद्घको खोप लगाउनुपर्छ । गहन रूपमा जनचेतना फैलाउनुपर्छ ।’ उनका अनुसार अमेरिकाजस्ता विकसित मुलुकमा समेत खोप लगाउनका लागि आम जनतालाई विभिन्न उपहार र पुरस्कारमार्फत प्रेरित गर्ने गरिएको बताए ।
बिहीबारसम्म नेपालमा १ करोड ५५ लाख २० हजार ८ सय ८० मात्रा खोप लगाइएको छ । कुल जनसंख्याको २२.६ प्रतिशतले खोपको पूर्ण मात्रा लगाएका छन् भने २८.५ प्रतिशतले कम्तीमा एक मात्रा खोप लगाएका छन् । मुलुकमा कोभिड खोपका लागि १८ वर्ष वा योभन्दा माथिको लक्षित जनसंख्या १ करोड ९९ लाख २२ हजार १ सय ६४ रहेको छ । यसमध्ये ४३.४ प्रतिशतले कम्तीमा एक मात्रा खोप र ३४.५ प्रतिशतले पूर्ण मात्रा खोप लगाएका छन् ।
अहिलेको दरले आगामी चैतसम्म लक्षित समुदायको शतप्रतिशतलाई खोपको दायरामा ल्याउने सरकारको लक्ष्य पूरा नहुने विज्ञहरूले चेतावनी दिएका छन् ।
स्वास्थ्य तथा जनसंख्या मन्त्रालयका अनुसार बिहीबार १ लाख १ हजार ४ सय ७५ जनाले खोप लगाएका छन् । १४ दिनयता सबैभन्दा कम कात्तिक ७ मा ७ हजार ५ सय ७६ जनाले खोप लगाएका थिए । ‘खोप लगाउने दरमा धेरै गिरावट देखिएको छ,’ खोप विज्ञ डा। श्यामराज उप्रेतीले भने, ‘खोपको महत्त्व बुझेकाहरूले फटाफट खोप लगाए, अरूलाई हामीले यसबारे शिक्षित गर्न सकेनौं ।’ खोपको फाइदा बुझ्न नसकेका वा खोप नलिने मनस्थितिमा रहेका समूहलाई सही ढंगले शिक्षित गर्न जरुरी रहेको उनले बताए ।
कोरोना खोप समन्वय समितिका सदस्य डा. जीडी ठाकुर सर्वसाधारणलाई खोपका लागि तयार पार्न मोबाइलमा रिङटोन बजाउनेबाहेक प्रभावकारी रणनीति सरकारले बनाउन नसकेको बताउँछन् । ‘सुरुमा खोप लिन मान्छे हच्किए तर महत्त्व बुझेपछि शिक्षित, जानकार वा फाइदा बुझ्न सकेकाहरू आफैं अगाडि आएर खोप लिए,’ उनले भने, ‘अब घरदैलोमा गई सर्वसाधारणको विश्वास जितेर कोभिडविरुद्घको खोप लगाउनुपर्छ । गहन रूपमा जनचेतना फैलाउनुपर्छ ।’ उनका अनुसार अमेरिकाजस्ता विकसित मुलुकमा समेत खोप लगाउनका लागि आम जनतालाई विभिन्न उपहार र पुरस्कारमार्फत प्रेरित गर्ने गरिएको बताए ।
बिहीबारसम्म नेपालमा १ करोड ५५ लाख २० हजार ८ सय ८० मात्रा खोप लगाइएको छ । कुल जनसंख्याको २२.६ प्रतिशतले खोपको पूर्ण मात्रा लगाएका छन् भने २८.५ प्रतिशतले कम्तीमा एक मात्रा खोप लगाएका छन् । मुलुकमा कोभिड खोपका लागि १८ वर्ष वा योभन्दा माथिको लक्षित जनसंख्या १ करोड ९९ लाख २२ हजार १ सय ६४ रहेको छ । यसमध्ये ४३.४ प्रतिशतले कम्तीमा एक मात्रा खोप र ३४.५ प्रतिशतले पूर्ण मात्रा खोप लगाएका छन् ।
अहिलेको दरले आगामी चैतसम्म लक्षित समुदायको शतप्रतिशतलाई खोपको दायरामा ल्याउने सरकारको लक्ष्य पूरा नहुने विज्ञहरूले चेतावनी दिएका छन् ।
