नेप्सेमा ३.६६ अंकको गिरावट, १०१ कम्पनीको सेयर मूल्य घट्यो
काठमाडौँ, २२, फागुन । शेयर कारोबार मापक नेप्से परिसूचक आइतबार करिब ३.६६ अंकले घटेर २ हजार ५ सय ४३.३९ विन्दुमा ओर्लेको छ । अघिल्लो दिनको तुलनामा यो ०.१४ प्रतिशतले कम हो ।
उक्त दिन कारोबारमा आएकामध्ये १ सय १ वटा कम्पनीको शेयर मूल्य घटेको छ भने ७८ वटा कम्पनीको बढेको छ । बाँकी १३ कम्पनीको शेयर मूल्य स्थिर रहेको नेप्सेले जनाएको छ ।
आइतबार ४५ हजार ६ सय २२ वटा कारोबारमार्फत ५१ लाख ३९ हजार २ सय ३९ कित्ता शेयर किनबेच भए । ती किनबेचबाट २ अर्ब ४९ करोड ३२ लाख रुपैयाँ बराबरको शेयर कारोबार भएको छ । अघिल्लो दिनको तुलनामा कारोबार रकम कम हो । गत बिहीबार शेयर बजारमा ३ अर्ब ६२ करोड रुपैयाँ बराबरको शेयर कारोबार भएको थियो ।
परिसूचक घटेसँगै शेयर बजारको आकार कुल बजार पुँजीकरण पनि घटेर ३६ खर्ब ७ अर्ब रुपैयाँ कायम भएको छ । गत विहीबार कुल बजार पुँजीकरण ३६ खर्ब ९७ अर्ब रुपैयाँ थियो ।
