नेपाल आज पपुवा न्युगिनीसँग खेल्दै
काठमाडौँ, ८, चैत । आइसीसी लिग टू एकदिवसीय क्रिकेटमा नेपाल आज पपुवा न्युगिनीसँग खेल्दैछ । खेल युएईमा नेपाली समय अनुसार बिहान ११ः१५मा शुरू हुनेछ ।
जारी शृङ्खलामा यो नेपालको अन्तिम खेल हो । नेपालले पहिलो खेलमा पपुवा न्युगिनीलाई नै हराएको थियो भने त्यसपछि खेलेका युएईविरुद्धका दुवै खेलमा हार बेहोरेको छ । पपुवा न्युगिनीले युएईलाई एक खेलमा पराजित गरेको थियो ।
सन् २०२३ सम्म चल्ने विश्वकप लिग टू का शीर्ष तीन टोलीले सोही वर्ष हुने एकदिवसीय विश्वकप छनोटमा स्थान बनाउनेछन् ।
