३० अंकले घट्यो शेयर बजार
काठमाडौँ, २०, चैत । साताको पहिलो दिन आइतबार सेयर बजारको परिसूचक नेप्से घटेको छ । ३०. ८९ अंक घटेर नेप्से २५१३ अंकमा कायम भएको छ । कारोबार रकम जम्मा १ अर्ब ४६ करोडमा खुम्चिएको छ । कुल १९ कम्पनीको मूल्य बढ्दा १७२ को घट्यो, ४ को स्थिर रहृयो ।
सबै उपसमूह घटेका छन् । बैंकिङ ८, विकास बैंक ५५, फाइनान्स ३०, होटल तथा पर्यटन २३, जलविद्युत ३९, लगानी १, जीवन बीमा २१६, उत्पादन ४९, माइक्रोफाइनान्स ६८, निर्जीवन बीमा १७४, अन्य ६४ र ब्यापार उपसमूह २८ अंकले घटे ।
तीन कम्पनीको मूल्य भने १० प्रतिशतले बढेको छ । राष्ट्र उत्थान लघुवित्त, इमर्जिङ नेपाल र नेस्डो लघुवित्तको मूल्य १० प्रतिशतले बढेको हो । कारोबार रकमका आधारमा सूर्या लाइफ, सिद्धार्थ इन्स्योरेन्स, नबिल बैंक, नेपाल लाइफ इन्स्योरेन्स र लाइफ इन्स्योरेन्स कर्पोरेसन क्रमशः सबैभन्दा अगाडि रहे ।
