सवाँ अर्बभन्दा बढीको केरा आयात
काठमाडौँ, २१, चैत । चालू आर्थिक वर्ष २०७८/०७९ को पछिल्लो आठ महिनाको अवधिमा सवाँ एक अर्बको केरा आयात भएको छ । भन्सार विभागको तथ्यांकअनुसार भारतलगायतका विभिन्न मुलुकबाट १ अर्ब १६ करोड १९ लाख बराबरको केरा नेपालले आयात गरेको हो ।
सो अवधिमा सबैभन्दा बढी भारतबाट मात्रै केरा आयात भएको भन्सार विभागले जनाएको छ । उक्त अवधिमा भारतबाट १ अर्ब १६ करोड १८ लाख रुपैयाँको केरा नेपाल भित्रिएको छ भने इन्डोनेसियाबाट न्यून मात्रामा केरा भित्रिएको छ । इन्डोनेसियाबाट ४० हजार बराबरको केरा आयात भएको छ ।
केरा आयातबाट सरकारले राजस्व भने संकलन गरेको छ । भन्सार विभागका अनुसार, दुवै देशबाट केरा आयातबाट सरकारले ११ करोड ३२ लाख २१ हजार रुपैयाँ राजश्व संकलन गरेको छ ।
कृषिप्रधान मुलुक भनिए पनि वर्षेनी केरालगायतका फलफुलहरु विदेशबाट नै आयात भइरहेका छन् । नेपाली किसानको खेत बारीमा उत्पादन भएको केराले बजार पाउँदैन तर, विदेशबाट भने निर्वाध रुपमा केरा आयात भइरहेको छ ।
केराको आयात रोक्न भन्सार महशुल दर बढाउन किसानस्तरबाट आवाज उठे पनि सरकारले माग सम्बोधन गर्न सकेको छैन्
