९ महिनामा मासुजन्य वस्तु आयातबाट रु.२ अर्ब ८० करोड बढी रकम बाहिरियो,कुन देशमा कति ?
काठमाडौँ, १३, वैशाख । चालु आर्थिक वर्षको पहिलो नौ महिनामा २ अर्ब ८० करोड बढीको मासुजन्य वस्तु आयात भएके छ ।
भन्सार विभागको तथ्यांकअनुसार चालु आर्थिक वर्षको चैत मसान्तसम्ममा विभिन्न देशबाट नेपालमा २ अर्ब ८० करोड १ लाख ७३ हजार रुपैयाँको खसी, मासु तथा माछाजन्य वस्तु आयात भएको हो । मासुजन्य वस्तु
विभागका अनुसार सो अवधिमा ४५ करोड २९ लाख ५९ हजार रुपैयाँको जिउँदो खसी नेपाल भित्रिएको छ । सो मूल्यमा ५० हजार ५८७ वटा खसी आयात गरिएको छ । सबै खसीहरु नेपालले भारतबाट आयात गरेको हो ।
यस्तै,पछिल्लो नौ महिनामा १३ लाख १२ हजार रुपैयाँको २२० वटा भेडा पनि नेपाल भित्रिएका छन् । सबै भेडाहरु नेपालले चीनबाट आयात गरेको हो ।
बितेका ९ महिनामा २ अर्ब ३४ करोड ५९ लाख १ हजार रुपैयाँको माछा र माछाजन्य वस्तु नेपालले आयात गरेको विभागको तथ्याङ्कले देखाउँछ ।
