बोर्डले दियो दुई कम्पनीलाई आईपीओ निष्कासनको अनुमति, कुनको कति कित्ता ?
काठमाडौँ, ११, जेठ । दुई कम्पनीले आईपीओ निष्कासनको अनुमति पाएका छन् । आदर्श लघुवित्त वित्तीय संस्था र राप्ती हाइड्रो एण्ड जनरल कन्स्ट्रक्सन लिमिटेडले आईपीओ निष्कासन गर्नको लागि नियामक निकाय नेपाल धितोपत्र बोर्डबाट अनुमति पाएका हुन् । यी कम्पनीले बोर्डबाट जेठ १० गते अनुमति पाएका हुन् ।
आदर्श लघुवित्त
आदर्श लघुवित्तले ६७ हजार कित्ता आईपीओ निष्कासन गर्न बोर्डबाट अनुमति पाएको हो । कम्पनीको शेयर निष्कासन तथा बिक्री प्रबन्धकमा बिओके क्यापिटल मार्केट लिमिटेड रहेको छ ।
राप्ती हाइड्रो एण्ड जनरल कन्स्ट्रक्सन
राप्ती हाइड्रो एण्ड जनरल कन्स्ट्रक्सन लिमिटेडले २९ लाख ४१ हजार ४१० कित्ता आईपीओ निष्कासन गर्न बोर्डबाट अनुमति पाएको छ ।
कम्पनीले पहिलो चरणमा स्थानीय बासिन्दाको लागि आईपीओ निष्कासन गर्नेछ । शेयर निष्कासन तथा बिक्री प्रबन्धकमा सिद्धार्थ क्यापिटल लिमिटेड रहेको छ ।
