दोहोरो अंकले घट्यो शेयर बजार
काठमाडौँ, १३, जेठ । साताको अन्तिम कारोबारको दिन (शुक्रबार) शेयर बजार दोहोरो अंकले घटेको छ । अघिल्लो कारोबार दिन अर्थात बिहीबार ८.०३ अंक बढेर २२३९.६० बिन्दुमा बन्द भएको नेपाल स्टक एक्सेञ्च (नेप्से) परिसुचक यस दिन १५.८२ अंकले घटेर २२२३.७८ को बिन्दुमा पुगेको ट । नेप्से परिसुचक ०.७१ प्रतिशतले घटेको हो ।
कारोबारको अन्तिम समयसम्म कारोबारमा आएका २२३ कम्पनीको ४१ लाख ४० हजार ६६५ कित्ता शेयर खरिदबिक्री हुँदा १ अर्ब २९ करोड रुपैयाँ बराबरको शेयर कारोबार भएको छ।
सर्वाधिक धेरै कारोबार प्रभु बैंकको संस्थापक शेयर भएको छ । कम्पनीको १७ करोड ६० लाख बढीको शेयर कारोबार भएको हो ।
यस्तै, मेगा बैंक सर्वाधिक कारोबारको दोस्रो स्थानमा रहेको छ । बैंकले ९ करोड ८२ लाख बढीको शेयर कारोबार गरेको छ ।
यसैगरी, अरुण भ्यालीको ४ करोड ६२ लाख, अरुण काबेलीको ३ करोड ८२ लाख र नबिल बैंकको ३ करोड ५७ लाख बढीको शेयर कारोबार भएको छ ।
