प्रि ओपन सेसनमा नेप्से परिसूचक सामान्य अंकले बढ्यो
काठमाडौँ, ३१, जेठ । साताको दोस्रो कारोबार दिन (मंगलबार) प्रि ओपन सेसनमा नेप्से परिसूचक सामान्य अंक बढेको छ।
अघिल्लो कारोबार दिन अर्थात सोमबार १५.८२ अंक घटेर २०३२.३४ विन्दुमा बन्द भएको नेप्से, यस दिन सो सेसनमा ०.१९ अंक बढेर २०३२.५३ विन्दुमा पुगेको छ। सो सेसनमा सेन्सेटिभ इण्डेक्स स्थिर रहेको छ।
मंगलबार प्रि ओपन सेसनमा ५ स्टकको १ लाख १४ हजार ९१२ रुपैयाँ ५० पैसा बराबरको २८५ कित्ता शेयर खरिदबिक्री भएको छ। जसमध्ये ३ स्टकको मूल्य बढेको छ भने २ स्टकको मूल्य घटेको छ।
