आर्थिक वर्षको पहिलो दिन सामान्य अंकले बढ्यो नेप्से, कतिको भयो कारोबार ?
काठमाडौँ, १, साउन । साताको पहिलो कारोबारको दिन (आइतबार) शेयर बजार सामान्य अंकले बढेको छ ।
अघिल्लो कारोबार दिन अर्थात गत शुक्रबार ७.९३ अंक बढेर २००९.४७ विन्दुमा बन्द भएको नेपाल स्टक एक्सेञ्च (नेप्से) परिसुचक १.९३ अंकले बढेर २०११.३९ को बिन्दुमा पुगेको छ ।
आज कारोबारको अन्तिम समयसम्म २१० कम्पनीको ३० लाख ४५ हजार ८८९ कित्ता शेयर १ अर्ब २३ करोड २४ लाख ८८ हजार ८२ रुपैंया बराबरको शेयर कारोबार भएको छ ।
आज १ अर्बमाथिको कारोबार हुँदा सर्वाधिक अपर तामाकोशीको शेयर खरिदबिक्री भएको छ । कम्पनीको आज एकैदिन ६ करोड ४ लाख ६६ हजार रुपैयाँको कारोबार भएको हो ।
