पछिल्लो २४ घन्टामा थपिए ८१४ कोरोना संक्रमित
कामठाडौँ, १७, साउन । पछिल्लो २४ घन्टामा देशभर थप ८१४ जनामा कोरोनाभाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार मंगलबार ८१४ जनामा संक्रमण पुष्टि भएको हो।
पाँच हजार ४१५ जनाको कोरोना परीक्षण गर्दा उक्त संख्यामा संक्रमित थपिएका हुन्।
दुई हजार ७६२ जनाको पिसिआर र दुई हजार ६५३ जनाको एन्टिजेन परीक्षण गरिएको थियो। अहिले देशभर पाँच हजार १४४ जना सक्रिय संक्रमित छन्।
कोरोना संक्रमणबाट पछिल्लो २४ घण्टामा मृत्यु हुनेको संख्या शून्य छ। २९९ जना संक्रमित निको भएका छन्।
