अदिती र धीरजको कमब्याक चलचित्र ‘बाबरीको ट्रेलर रिलिज
काठमाडौँ, ३०, साउन । नेपाली कथानक चलचित्र ‘बाबरी’को ट्रेलर रिलिज भएको छ । धीरज मगर, अदिती बुढाथोकी र धीरज नाड्कर स्टारर चलचित्र ‘बाबरी’को ट्रेलर रिलिज गरिएको हो ।
सार्वजनिक ट्रेलर त्रिकोणात्मक प्रेम कथामा आधारित छ । चलचित्रले युवतीको प्रेमका लागि दुई युवकले गर्ने संघर्ष देखाइएको छ ।
‘इन्टु मिन्टु लण्डनमा’पछि धीरज मगरको यो कमब्याक चलचित्र हो । अदितीको पनि ‘कृ’पछि यो कमब्याक चलचित्र हो ।
‘बाबरी’लाई सुरेन्द्र पौडेलले निर्देशन गरेका छन् । चलचित्र असोज १४ गते रिलिज हुँदै छ ।
