नेप्सेमा झिनो अंकको गिरावट, कारोबार रकम पनि घट्यो
काठमाडौँ, १, भदौ । साताको चौथो कारोबारको दिन (बुधबार) शेयर बजार झिनो अंकले घट्न पुगेको छ ।
अघिल्लो कारोबार दिन अर्थात मंगलबार २४.८३ अंक घटेर २०४१.८३ विन्दुमा बन्द भएको नेपाल स्टक एक्सचेञ्ज (नेप्से) आज ०.३६ अंकले घटेर २०४०.७० को बिन्दुमा पुगेको छ ।
नेप्से परिसूचक घटेसँगै आज कारोबार समेत घट्न पुगेको छ । हिजो २ अर्ब ७३ करोड रुपैयाँको कारोबार भएको शेयर बजारमा ३४ लाख ९७ हजार ८८१ कित्ता शेयर खरिदबिक्री हुदाँ १ अर्ब ४० करोड रुपैयाँमा सीमित हुन पुगेको छ ।
सो रकम बराबरको कारोबार भएको शेयरबजारमा आज सर्वाधिक रिडी हाइड्रोपावरको शेयर खरिदबिक्री भएको छ । आज कम्पनीको एकैदिन १८ करोड ४३ लाख रुपैयाँमाथिको कारोबार भएको छ ।
