प्रि ओपन सेसनमा नेप्सेमा झिनो अंकको वृद्धि, ५२३ कित्ता शेयर खरिदबिक्री
काठमाडौँ, ९, भदौ । बिहीबार प्रि ओपन सेसनमा नेप्से परिसूचक झिनो अंक बढेको छ।
अघिल्लो कारोबार दिन अर्थात बुधबार २.८६ अंक बढेर २०५७.८४ विन्दुमा बन्द भएको नेप्से, यस दिन सो सेसनमा ०.१७ अंक बढेर २०५८.०१ विन्दुमा पुगेको छ। सो सेसनमा सेन्सेटिभ इण्डेक्स ०.०४ अंक बढेको छ।
बिहीबार प्रि ओपन सेसनमा २५ स्टकको ३ लाख ७६ हजार ७० रुपैयाँ ६० पैसा बराबरको ५२३ कित्ता शेयर खरिदबिक्री भएको छ। जसमध्ये १४ वटा स्टकको मूल्य बढेको छ भने ९ वटाको घटेको छ। र बाँकी १ स्टकको मूल्य स्थिर रहेको छ ।
