प्रि ओपन सेसन : साढे २ अंकले बढ्यो नेप्से परिसूचक
काठमाडौँ, २९, भदौ । आज बुधबार प्रि ओपन सेसनमा नेप्से परिसूचक करिब साढे २ अंक बढेको छ ।
हिजो मंगलबार २१.३० अंक बढेर १९३४.०५ विन्दुमा बन्द भएको नेप्से आज उक्त सेसनमा २.३२ अंक बढेर १९३६.३७ विन्दुमा पुगेको छ । उक्त सेसनमा सेन्सेटिभ इण्डेक्स ०.१६ अंक बढेको छ ।
आज प्रि ओपन सेसनमा १४ स्टकको ३ लाख ४ हजार ७११ रुपैयाँ ३० पैसा बराबरको ५०१ कित्ता शेयर खरिदबिक्री भएको छ । जसमध्ये ११ वटा स्टकको मूल्य बढेको छ भने २ वटाको घटेको छ ।
बाँकी १ स्टकको मूल्य सो सेसनमा स्थिर रहेको छ ।
