पेट्रोलियम पदार्थको मूल्य भारतबाट अत्याधिक बढेर आयो
काठमाडौँ, ३१, असोज । भारतबाट पेट्रोलियम पदार्थको मूल्य अत्याधिक बढेर आएको छ । नेपाल आयल निगमका अनुसार भारतीय आयल कर्पोरेसन ९आईओसी०ले निगमलाई पठाएको नयाँ मूल्य सूचीमा पेट्रोल, डिजेल तथा हवाई इन्धनको भाउ बढाएर पठाएको छ ।
निगमका अनुसार पेट्रोल प्रतिलिटर १ रुपैयाँ ७४ पैसा, डिजेल १५ रुपैयाँ ६० पैसा र हवाई इन्धन १० रुपैयाँ २५ पैसा बढेर आएको छ । बढेर आएको मूल्य अनसार निगमलाई डिजेलमा प्रति लिटर ६ रुपैयाँ ३४ पैसा, एलपी ग्यासमा ३२५ रुपैयाँ ४४ पैसा प्रति सिलिण्डर घाटा हुने जनाएको छ ।
यस्तै पेट्रोल, हवाई इन्धन र मट्टितेलमा हुने नाफालाई गणना गर्दा समग्रमा निगमलाई आगामी १५ दिनमा करीब ३९ करोड नाफा हुने प्रक्षेपण गरेको छ ।
भारतबाट नयाँ मूल्य सूची आएपनि निगमले नेपालमा इन्धनको मूल्यमा कुनै परिवर्तन गरेको छैन । अन्तर्राष्ट्रिय बजारमा पेट्रोलियम पदार्थको मूल्य बढेको कारणले विगत लामो समयदेखि निगम निरन्तर नोक्सानीमा संचालन भएको निगमको भनाई छ ।
निगमका अनुसार नेपाल सरकार र राष्ट्रिय वाणिज्य बैंकलाई करिब ३३ अर्ब ६० करोड रकम अझै तिर्न बाँकी रहेको छ । निगमले पेट्रोलियम पदार्थ खरिदका लागि सरकारसँग ७ अर्ब रुपैयाँ र राष्ट्रिय वाणिज्य बैकसँग तीन अर्ब ऋण लिई पेट्रोलियम पदार्थको आपूर्ति तथा बिक्री वितरण प्रणालीलाई केही महिनादेखि व्यवस्थित गर्दै आइरहेको जनाएको छ ।
