नेपाल राष्ट्र बैंकले १८ अर्ब २० करोड रुपैयाँको ट्रेजरी बिल जारी गर्ने, बोलकबोल आजै
काठमाडौँ, ३१, असोज । नेपाल राष्ट्र बैंकले मंगलबार असोज २५ गते १८ अर्ब २० करोड रुपैयाँको ट्रेजरी बिल जारी गर्ने भएको छ । राष्ट्र बैंकले २८ दिन, ९१ दिन, १८२ दिन र १ वर्षका लागि ट्रेजरी बिल जारी गर्न लागेको हो । यस ट्रेजरी बिलका लागि आज दिउँसो ३ बजे बोलकबोल हुने बताइएको छ । २८ दिनका लागि २ अर्ब रुपैयाँ बराबरको ट्रेजरी बिल जारी गर्न लागेको यस ट्रेजरी कात्तिक २९ गते परिपक्व हुनेछ ।
९१ दिनका लागि ५ अर्ब २० करोड रुपैयाँ बराबरको ट्रेजरी बिल जारी गर्न लागेको यस ट्रेजरी माघ ३ गते परिपक्व हुनेछ । १८२ दिनको लागि ५ अर्ब रुपैयाँको बिल जारी गर्न लागेको यस ट्रेजरी २०८० बैशाख ५ गते परिपक्व हुनेछ । १ वर्षका लागि ६ अर्ब रुपैयाँ बराबरको ट्रेजरी बिल जारी गर्न लागेको यस ट्रेजरी वि.स. २०८० असोज ३० गते परिपक्व हुनेछ ।
यस बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिक समेत ट्रेजरी बिलको बोलकबोलमा सहभागी हुन सक्नेछन् । बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँट हुनेछ ।
