सेयर बजार हरियाली कायमै, डेढ अर्ब पुग्न लाग्यो कारोबार
काठमाडौँ, १६, कार्तिक । शेयर बजार बढ्ने क्रम जारी छ । आज तेस्रो दिन पनि बजार बढेको हो ।
नेपाल स्टक एक्सचेञ्ज लिमिटेड (नेप्से) का अनुसार आज बजार ७.३२ अंकले बढेको हो । ०.३८ प्रतिशतले बजार बढ्दा नेप्से परिसूचक १९३८.३० अंकमा उक्लिएको छ ।
आज २२७ कम्पनीका ४३ लाख ४६ हजार ७ सय ८ कित्ता शेयर किनबेच हुँदा १ अर्ब ४६ करोड ७९ लाख १४ हजार ८ सय ७५ रुपियाँ बराबरको कारोबार भएको हो ।
समग्रमा बजार बढे पनि बैंकिङ, ट्रेडिङ र निर्जीवन बीमा समूह क्रमशः २.६१, २२.९७ र १.६२ अंकले घटेका छन् भने बाँमी समूहमा हरियाली छाएको छ । आज सबैभन्दा बढी जीवन बीमा समूह ५५.१३ अंकले बढेको छ ।
