एनसीसी बैंकले कर्मचारीलाई दियो १ अर्ब १९ करोड कर्जा
काठमाडौँ, २, मंसिर । गत वर्ष एनसीसी बैंकले आफ्ना कर्मचारीलाई दिने कर्जा तथा सापटी रकम बढाएको छ ।
अघिल्लो वर्षको तु्लनामा गत वर्ष बैंकले कर्मचारीलाई दिने कर्जा तथा सापटी रकम बढाएको हो । एनसीसी बैंकले असार मसान्तसम्म आफ्ना कर्मचारीलाई १ अर्ब १९ करोड ३ लाख ३१ हजार १४४ रुपैयाँ कर्जा दिएको छ ।
२०७८ असार मसान्तसम्म १ अर्ब ८ करोड ३ लाख ७५ हजार २०८ रुपैयाँ कर्जा दिएको थियो । एक वर्षको अवधिमा बैैंकले आफ्ना कर्मचारीलाई दिने यस्तो कर्जा सुविधा १०.१७ प्रतिशते बढेको छ ।
बैंकले २०७९ असार मसान्तसम्म १ खर्ब २४ अर्ब ६४ करोड ९९ लाख ६५ हजार ६६ रुपैयाँ कर्जा दिएको थियो । यस्तो कर्जा २०७८ असार मसान्तसम्म ९७ अर्ब ६३ करोड ८९ लाख ९३ हजार ९८६ रुपैयाँ कर्जा तथा सापटी दिएको थियो । बैंकले सबैलाई दिने कर्जा पनि बढेको छ ।
बैंकले कर्मचारीलाई दिएको कर्जा तथा सापटीबाट ३ करोड ३२ लाख ६४ हजार ६६० रुपैयाँ ब्याज आम्दानी गरेको छ । २०७९ असार मसान्तसम्म बैंकले कर्मचारीलाई दिएको कर्जा तथा सापटीबाट ३ करोड ३२ लाख ६४ हजार ६६० रुपैयाँ ब्याज आम्दानी गरेको छ ।
२०७८ असार मसान्तमा २४ करोड ५३ लाख २६ हजार ३८७ रुपैयाँ ब्याज आम्दानी गरेको थियो । यो अवधिमा कर्मचारीबाट हुने ब्याज आम्दानी ८६.४४ प्रतिशतले घटेको छ । हाल बैंकमा १६०५ जना कर्मचारी रहेका छन् ।
