यस्तो छ आजको विदेशी मुद्राको विनिमय दर
काठमाडौँ, १२, मंसिर । नेपाल राष्ट्र बैंकले आइतबारको विनिमय दर सार्वजनिक गरेको छ।
आज अमेरिकी डलर एकको खरिददर १२४ रूपैयाँ २४ पैसा र बिक्रीदर १२४ रूपैयाँ ८४ पैसा पुगेको छ। केही समय यता डलरको भाउ बढिरहेको छ।
गत शुक्रबार डलर एकको खरिददर १२४ रूपैयाँ १३ पैसा र बिक्रीदर १२४ रूपैयाँ ७३ पैसा कामय भएको थियो। विश्व बजारमा डलरको माग बढेसँगै अमेरिकी डलरको भाउ पनि बढ्दो छ।
आइतबार युरोपियन युरो एकको खरिदमा १३१ रूपैयाँ ४८ पैसा र बिक्रीमा १३२ रूपैयाँ १२ पैसा पाइन्छ। अष्ट्रेलियन डलर एकको खरिददर भने ८८ रूपैयाँ ५१ पैसा र बिक्रीदर ८८ रूपैयाँ ९४ पैसा कायम गरिएको छ।
आज कतारी रियाल एकको खरिदमा ३४ रूपैयाँ ०२ पैसा र बिक्रीमा ३४ रूपैयाँ १९ पैसा पाइन्छ। राष्ट्र बैंकले आइतबारको लागि युएई दिराम एकको खरिददर ३३ रूपैयाँ ८२ पैसा र बिक्रीदर ३३ रूपैयाँ ९९ पैसा तोकेको छ। मलेसियन रिंगिट एकको खरिदमा २८ रूपैयाँ २२ पैसा र बिक्रीमा २८ रूपैयाँ ३६ पैसा पाइन्छ।
आइतबार कुवेती दिनार एकको खरिददर ४०५ रूपैयाँ १० पैसा र बिक्रीदर ४०७ रूपैयाँ ०६ पैसा तोकिएको छ भने बहराइन दिनार एकको खरिददर ३२९ रूपैयाँ ५९ पैसा र बिक्रीदर ३३१ रूपैयाँ १८ पैसा तोकिएको छ।
