चौरासी लाख ४७ हजार कित्ता बोनस शेयर नेप्सेमा सूचीकृत
काठमाडौँ, ४, माघ । नेपाल स्टक एक्सचेञ्ज लिमिटेड (नेप्से) मा ८४ लाख ४७ हजार ८ सय ६०.६३ कित्ता बोनस शेयर सूचीकृत भएको छ ।
विभिन्न तीन कम्पनीले शेयरधनीहरुलाई बोनस बापत प्रदान गरेको आज सूचीकृत भएको नेप्सेले जनाएको छ ।
यसैक्रममा नेपाल इन्भेष्टमेण्ट बैंकसँग मर्ज भई एकीकृत कारोबार समेत गरिसकेको मेगा बैंक शेयरधनीहरुलाई प्रदान गरेको ४ प्रतिशत बोनस बापतको ६४ लाख ४८ हजार १ सय ८४.५८ कित्ता शेयर सूचीकृत भएको हो ।
यता, गुुराँस लाइफ इन्स्योरेन्सले शेयरधनीहरुलाई प्रदान गरेको ७.४४२५ प्रतिशत बोनस बापतको १५ लाख ५१ हजार २ सय कित्ता शेयर आजै सूचीकृत भएको हो ।
त्यसैगरी रुरु जलविद्युत परियोजनाले शेयरधनीहरुलाई प्रदान गरेको १० प्रतिशत बोनस बापतको ४ लाख ४८ हजार ४ सय ७६.०५ कित्ता शेयर सूचीकृत भएको नेप्सेले जनाएको छ ।
