पाँच महिनामा ४० करोडको स्यानिटरी प्याड आयात
काठमाडौँ, ६, माघ । चालु आर्थिक वर्षको साउनदेखि मंसिरसम्म ४० करोड ५२ लाख रुपैयाँ बराबरको स्यानिटरी प्याड आयात भएको छ । भन्सार विभागका अनुसार सो रकमको ४ करोड ९६ लाख ७४ हजार ४११ पिस प्याड आयात भएको हो । जुन गत वर्षको सोही अवधिको तुलनामा १४ करोडले कम हो ।
गत वर्ष सोही अवधिमा ५४ करोड ८५ लाख ६९ हजार रुपैयाँ बराबरको ६ करोड ६६ लाख ९९ हजार ९६७ पिस आयात भएको थियो ।
चालु आर्थिक वर्षमा सबैभन्दा बढी भारतबाट ३२ करोड ५४ लाख २४ हजार रुपैयाँ बराबरको ३ करोड ६७ लाख ९३ हजार ५५३ वटा स्यानिटरी प्याड आयात भएको छ । यस्तै चीनबाट ७ करोड ५५ लाख ३२ हजार रुपैयाँ बराबरको १ करोड २० लाख ८० हजार ८५१ प्याड आयात गरिएको विभागले जनाएको छ ।
विभागका अनुसार चालु आर्थिक वर्षको पाँच महिनामा १५ लाख ३६ हजार मूल्य बराबरको २५ हजार ४०० वटा मिन्सट्रुअल कप र टेम्पोन आयात गरिएको छ । सबैभन्दा बढी चीनबाट ४ लाख १५ हजार रुपैयाँ बराबरको १७ हजार ८१३ वटा र भारतबाट ९ लाख ९१ हजार रुपैयाँ बराबरको ६ हजार २६७ वटा आयात गरिएको विभागको तथ्यांक छ । गत वर्ष सोही अवधिमा १६ लाख ४ हजार रुपैयाँ बराबरको २३ हजार ७५३ वटा आयात गरिएको थियो ।
