सुन-चाँदीको भाउ स्थिर
काठमाडौँ, २४, माघ । कारोबारको तेस्रो दिन मंगलबार सुन–चाँदीको भाउ स्थिर रहेको छ।
आज प्रतितोला छापावल सुन १ लाख ४ हजार ६०० रुपैयाँ र तेजाबी सुन १ लाख ४ हजार १०० रुपैयाँमा कायम रहेको नेपाल सुनचाँदी व्यवसायी महासंघले बताएको छ ।
हिजो सोमबार पनि सुनको भाउ प्रतितोला छापावल सुन १ लाख ४ हजार ६०० रुपैयाँ र तेजाबी सुन १ लाख ४ हजार १०० रुपैयाँमा कारोबार भएको थियो। यो दिन सुनको भाउ तोलामा ५०० रुपैयाँले बढेको थियो।
आज चाँदीको भाउ पनि स्थिर रहँदै तोलाको १ हजार ३२० रुपैयाँ कायम भएको छ। चाँदीको भाउ हिजो पनि स्थिर रहँदै तोलाको १ हजार ३२० रुपैयाँमै कारोबार भएको थियो।
