सानिमा मिडिल तमोर हाइड्रोपावरको आईपीओ आज बाँडफाँड गर्दै
काठमाडौँ, ८, चैत्त । सानिमा मिडिल तमोर हाइड्रोपावर लिमिटेडको आईपीओ आज बाँडफाँड गरिने भएको छ।
धितोपत्र बिक्री प्रबन्धक सानिमा क्यापिटलको काठमाडौँ नक्सालस्थित कार्यालय सानिमा मिडिल तमोरको आईपीओ आज (बुधबार) बाँडफाँड गर्न लगेको हो । आईपीओ बाँडफाँड कार्यक्रम चैत ८ गते बिहान १० बजे देखि राखिएको छ।
यो कम्पनीले गत फागुन २६ गतेदेखि फागुन ३० गतेसम्म सर्वसाधारणलाई आईपीओ बिक्री गरेको थियो।
कम्पनीले जारी पुँजी ३ अर्ब ३३ करोड २५ लाख रुपैयाँको १५ प्रतिशतले हुन आउने १०० रुपैयाँ अंकित दरका कुल ४९ लाख ९८ हजार ७५० कित्ता सर्वसाधारणका लागि छुट्याएको थियो। कुल कित्तामध्ये १० प्रतिशतले हुन आउने ४ लाख ९९ हजार ८७५ कित्ता सेयर यसअघि नै वैदेशिक रोजगारीमा रहेका नेपालीहरुका लागि बिक्री खुला गरिसकेको छ। बाँकी रहेको सेयरमध्ये अब ५ प्रतिशतले हुन आउने २ लाख ४९ हजार ९३६ कित्ता सेयर सामूहिक लगानी कोषहरुका लागि छुट्याइएको थियो भने ४२ लाख ४८ हजार ९३८ कित्ता सेयरमा सर्वसाधारणले आवेदन दिन पाउने व्यवस्था गरिएको थियो।
सीडीएससीका अनुसार अन्तिम दिनसम्म यो आईपीओमा १४ लाख १५ हजार ९६२ आवेदकबाट कुल १ करोड ६२ लाख ८१ हजार ६९० कित्ता सेयर माग भएको छ। जुन मागभन्दा ३.८३ गुणाले बढी हो।
मागभन्दा बढी आवेदन परेका कारण यो आईपीओ पनि गोलाप्रथाबाट बाँडफाँड गरिनेछ। जसअनुसार भाग्यमानी ४ लाख २४ हजार ८९३ आवेदकले १० कित्ताका दरले सेयर पाउनेछन् भने तिनै आवेदकमध्ये ८ जनाले थप एक–एक कित्ता सेयर पाउनेछन्।
यस हिसाबले यो आईपीओमा करिब १० आवेदकको हात खाली हुने भएको छ।
