आइतबार २६ अंकले घट्यो नेप्से, १ अर्ब २८ करोड ९३ लाख रुपैयाँ कारोबार
काठमाडौँ, १२, चैत । आइतबार सेयर बजार परिसूचक नेप्से २६ .८७ अंकले घटेको छ । केही दिनदेखि लगातार घटेको नेप्से सूचक आइतबार १८ सय ८८.२७ अंकको विन्दुमा झरेको हो ।
आइतबार बजारमा १ अर्ब २८ करोड ९३ लाख रुपैयाँ बराबरको ३७ लाख ५४ हजार कित्ता सेयर कारोबार भएको छ ।आज १३ वटै उपसूचक ऋणात्मक भएका छन् ।
आज माया खोला हाइड्रोपावर कम्पनी र एसियन हाइड्रोपावर लिमिटेडको सेयर मूल्य क्रमशः ९.९९ प्रतिशतले र ९.९८ प्रतिशतले बढेको छ भने आज जीवन विकास लघुवित्त वित्तीय संस्था, जालपा सामुदायिक लघुवित्त वित्तीय संस्था र युनिक्यु नेपाल लघुवित्त वित्तीय संस्थाको सेयर मूल्य १०–१० प्रतिशतले घटेको छ ।
