सुनको मूल्य प्रतितोला २ सय रुपैयाँले घट्यो, कतिमा हुँदैछ कारोबार ?
काठमाडौँ, २४, चैत्त । शुक्रबार सुनको मूल्य प्रतितोला २ सय रुपैयाँले घटेको छ ।
बिहीबार छापावाला सुनको मूल्य प्रतितोला १ लाख १० हजार २ सय रुपैयाँ कायम भएको थियो । शुक्रबार प्रतितोला २ सय रुपैयाँले घटेर १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, शुक्रबार तेजावी सुनको मूल्य प्रतितोला १ लाख ९ हजार ५ सय रुपैयाँ कायम भएको छ ।
साथै, शुक्रबार चाँदीको मूल्य प्रतितोला ५ रुपैयाँले बढेको छ । बिहीबार चाँदीको मूल्य प्रतितोला १४ सय ३५ रुपैयाँ कायम भएकोमा शुक्रबार १४ सय ४० रुपैयाँ कायम भएको छ ।
