नयाँ वर्षको पहिलो कारोबार दिन घट्यो सुनको मूल्य, कतिमा हुँदैछ किनबेच ?
काठमाडौँ, ३, वैशाख । २०८० सालको पहिलो कारोबार दिन नेपाली बजारमा सुनको मूल्य घटेको छ।
नेपाल सुनचाँदी व्यवसायी महासंघका अनुसार गत चैत ३० गते (बिहिबार)प्रति तोला १ लाख १० हजार ८ सय रुपैयाँमा कारोबार भईरहेको छापावाला सुन आज ८ सयले घटेर प्रतितोला १ लाख १० हजार रुपैयाँमा कारोबार भईरहेको हो ।
साथै आज तेजावी सुनको मूल्य तोलाको १ लाख ९ हजार ५ सय रुपैयाँ निर्धारण भएको छ।
त्यसैगरी आइतबार चाँदीको मूल्य भने स्थिर रहेको छ । गत चैत ३० गते स्थिर रहँदै तोलाको १ हजार ४५० रुपैयाँमा किनबेच भएको चाँदी आज पनि सोही मूल्यमा कारोबार भईरहेको हो ।
