सुनको मूल्य प्रतितोला ३ सय रुपैयाँले बढ्यो
काठमाडौँ, २५, वैशाख । सोमबार सुनको मूल्य प्रतितोला ३ सय रुपैयाँले बढेको छ ।
आइतबार छापावाला सुनको मूल्य प्रतितोला १ लाख १० हजार ६ सय रुपैयाँ कायम भएको थियो । सोमबार प्रतितोला ३ सय रुपैयाँले बढेर १ लाख १० हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, सोमबार तेजावी सुनको मूल्य प्रतितोला १ लाख १० हजार ३ सय ५० रुपैयाँ कायम भएको छ ।
साथै, सोमबार चाँदीको मूल्य स्थिर रही प्रतितोला १४ सय ४५ रुपैयाँ कायम भएको छ ।
