सुनको मूल्य प्रतितोला ८ सय रुपैयाँले बढ्यो, कतिमा हुँदैछ कारोबार ?
काठमाडौँ, २६, जेष्ठ । शुक्रबार सुनको मूल्य प्रतितोला ८ सय रुपैयाँले बढेको छ ।
बिहीबार छापावाला सुनको मूल्य प्रतितोला १ लाख ११ हजार ७ सय रुपैयाँ कायम भएको थियो । शुक्रबार ८ सय रुपैयाँले बढेर १ लाख १२ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, शुक्रबार तेजावी सुनको मूल्य १ लाख ११ हजार ९५० रुपैयाँ कायम भएको छ ।
साथै, बिहीबार चाँदीको मूल्य प्रतितोला १४ सय १५ रुपैयाँ कायम भएको थियो । शुक्रबार प्रतितोला ४० रुपैयाँले बढेर १४ सय ५५ रुपैयाँ कायम भएको छ ।
