१० अर्बको विकास ऋणपत्र बिक्री गर्दै राष्ट्र बैंक
काठमाडौँ, ४, असार । नेपाल राष्ट्र बैंकले १० अर्ब रुपैयाँको विकास ऋणपत्र जारी गर्ने भएको छ ।
राष्ट्र बैंकले ६ वर्षे अवधिका लागि विकास ऋणपत्र २०८६ ‘ङ’ बिक्री गर्ने भएको छ । त्यसको लागि असार ५ गते बोलकबोल हुने छ ।
उक्त विकास ऋणपत्रमा बंैक तथा वित्तीय संस्था, गैर–बंैक वित्तीय संस्था, बिमा कम्पनी, संगठित संस्था तथा नेपाली नागरिकले बोलकबोल मार्फत खरिद गर्न सक्नेछन् । यसको ब्याजदर बोलकबोलको माध्यमबाट हुनेछ । ५ गते बोलकबोल हने छ भने ५ गते निष्कासन हुने छ । यसको साँवा भुक्तानी २०८६ असार ६ गते हुुनेछ । ब्याज अर्धबार्षिक रुपमा हुने छ । ब्याजमा भने ब्याजकर लाग्ने छ ।
प्रतिस्पर्धी र अप्रतिस्पर्धी बोलवालाहरुलाई क्रमशः निष्काशित रकमको ८५ र १५ प्रतिशत अर्थात.८ अर्ब ५० करोड र
१ अर्ब ५० करोड छुट्याइएको । अप्रतिस्पर्धी बोलवालाहरुलाई छुट्याइएको रकमको लागि पूरा बोल प्राप्त नभएमा बाँकी हुन आउने रकम प्रतिस्पर्धी बोलवालाहरुलाई बिक्री गर्ने राष्ट्र बैंकले जनाएको छ ।
अप्रतिस्पर्धी बोलवालाहरुलाई छुट्याइएको रकमभन्दा बढी रकमको बोल प्राप्त हुन आएमा बोलवालाहरुलाई समानुपातिक रुपमा उक्त ऋणपत्रको रकम बाँडफाँड गरिने जनाइएको छ ।
