एनआईसी एशिया बैंकले सार्वजनिक गर्यो नयाँ ब्याजदर, पुस १ गतेदेखि लागू हुने
काठमाडौं । पुस १ गतेदेखि लागू गरी एनआईसी एशिया बैंकले नयाँ ब्याजदर सार्वजनिक गरेको छ । बैंकले एक सूचना जारी गर्दै बैंकको विभिन्न खाताको ब्याजदर घटाएको हो ।
बैंकले सार्वजनिक गरेको पुस महिनाको ब्याजदर अनुसार साधारण बचत खातामा न्यूनतम ४.४५५ प्रतिशत प्रदान गर्ने भएको छ । मंसिरमा न्यूनतम ४.५८५ प्रतिशतदेखि अधिकतम ६।५८५ प्रतिशतसम्म ब्याजदर निर्धारण गरेको थियो ।
बैंकले मुद्दति निक्षेपमा संस्थागततर्फ न्यूनतम ५.५० प्रतिशतदेखि ६.६७ प्रतिशतसम्म र ब्यक्तिगततर्फ ७ प्रतिशतदेखि ८.६७ प्रतिशत ब्याजदर निर्धारण गरेको हो । मंसिरमा बैंकले मुद्दति निक्षेपमा संस्थागततर्फ ६.९६८ प्रतिशत र ब्यक्तिगततर्फ ८.९६८ प्रतिशत ब्याजदर निर्धारण गरेको थियो ।
बैंकको सूचना अनुसार कर्जा प्रवाह गर्दा आधारदरमा २ प्रतिशतदेखि अधिकतम ३ प्रतिशतसम्म प्रिमियम लाग्नेछ । बैंकले फिक्स्ड दरमा कर्जा लिँदा भने बैंकले १३.७० प्रतिशत ब्याजदर तोकेको छ । बैंकको आधार दर १०.७० प्रतिशत रहेको बैंकको सूचनामा उल्लेख छ।
