हिमालयन हाईड्रोपावरले डाक्यो साधारणसभा, शतप्रतिशत हकप्रद प्रस्ताव
काठमाडौं । यही पुस २५ गतेका लागि हिमालयन हाईड्रोपावर लिमिटेडले १६ औं वार्षिक साधारण सभा डाकेको छ । वाटरफ्रन्ट रिसोर्ट लेक साईड पोखरामा बिहान ११ बजेदेखि सभा आह्वान गरेको हो ।
कम्पनीको सभामा १ः१ अनुपातमा हकप्रद शेयर निष्कासन सम्बन्धी विशेष प्रस्ताव राखिएको छ । त्यसैगरी, सभामा वार्षिक प्रतिवेदन छलफल गरी अनुमोदन गर्ने, लेखापरीक्षकको नियुक्ती गर्ने, बैंक कर्जा स्थानान्तरण गर्ने तथा कम्पनीको संस्थापक तथा सर्वसाधारण शेयरधनीको तर्फबाट सञ्चालक समितिमा प्रतिनिधित्व गर्ने सञ्चालको निर्वाचन गर्नेलगायतका एजेण्डा रहेको छ ।
कम्पनीले सभा प्रयोजनार्थ पुस १३ गतेदेखि २५ गतेसम्म बुक क्लोज गर्ने निर्णय गरेको छ । जस अनुसार पुस १२ गतेसम्म नेप्सेमा कारोबार भई कायम शेयरधनी सभामा भाग लिन योग्य हुनेछन्।
