.JPG)
१३ अर्ब ४ करोड रुपैयाँको ट्रेजरी बिल नवीकरण गर्दै राष्ट्र बैंक
काठमाडौं । नेपाल राष्ट्र बैंकले १३ अर्ब ४ करोड रुपैयाँको ट्रेजरी बिल नवीकरण गर्ने जनाएको छ । बैंकले ९१ दिन र १८२ दिनका लागि उक्त रकम बराबरको ट्रेजरी बिल नवीकरण गर्न लागेको हो।
मंगलबार फागुन २२ गते जारी हुने यस ट्रेजरी बिलका लागि बोलकबोल भने आज सोमबार दिउँसो ३ बजे हुने भएको छ । केन्द्रीय बैंकले ९१ दिनका लागि ६ अर्ब ४ करोड रुपैयाँ बराबरको ट्रेजरी बिल नवीकरण गर्न लागेको हो ।
यो ट्रेजरी २०८१ जेठ २२ गते परिपक्व हुनेछ । साथै, १८२ दिनको लागि ७ अर्ब रुपैयाँको ट्रेजरी नवीकरण गर्न लागेको हो । यो ट्रेजरी २०८१ भदौ १८ गते परिपक्व हुनेछ । ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो।
