आइएमई पेमार्फत रिफन्डेबल टिकट काट्नेको संख्यामा वृद्धि
काठमाडौं । डिजिटल वालेट आइएमई पेले सञ्चालनमा ल्याएको रिफन्डेबल फिचरमार्फत आन्तरिक हवाई टिकट काट्नेको संख्यामा वृद्धि भएको छ । सहज फिचर सगँसँगै प्रयोगकर्ताले कल तथा इमेलमार्फत पाउने ग्राहकमैत्री सेवा र तत्कालै हुने रिफन्डले गर्दा आइएमई पेले उपलब्ध गराएको यो सेवामा ग्राहकको संख्या बढेको बताइएको छ ।
पेको एपमार्फत प्रयोगकर्ताले आन्तरिक तथा अन्तरराष्ट्रिय हवाई टिकट काट्दा आन्तरिक हवाई टिकटमा क्यास ब्याक, रिवार्ड पोइन्ट र टिकट रिफन्डेबल फिचर पनि पाउने बताइएको छ ।
पेका प्रमुख कार्यकारी अधिकृत प्रविण रेग्मीले आन्तरिक हवाई टिकटमा टिकट रिफन्डेबल फिचर प्रवर्द्धन भएको एक वर्षको अवधिमै प्रयोगकर्ताको बढ्दो संख्याले सेवा थप्न कम्पनी उत्साहित भएको बताए ।
