यस्तो छ आजको फलफूल तथा तरकारीको बजार मुल्य
काठमाडौं । कालीमाटी फलफूल तथा तरकारी बजार विकास समितिले आज मङ्गलबारको मूल्यसूची प्रकाशित गरेको छ । जसअनुसार आज सुकेको प्याज प्रतिकेजी ६८ रुपैयाँ, स्थानीय ज्यापु काउली र तितो करेला ६५ रुपैयाँ तोकिएको छ ।
यसैगरी, परवर, चिचिण्डो र झिगुनी प्रतिकेजी ७५ रुपैयाँ, घिरौला ५५ रुपैयाँ, ठुलो नेपाली गोलभेडा, लोकल बन्दा, स्थानीय काउली, डल्लो भन्टा, लौका र तोरीको साग प्रतिकेजी ४५ रुपैयाँ पर्नेछ ।
सानो गोलभेडा प्रतिकेजी ३० रुपैयाँ, रातो आलु ४७ रुपैयाँ ५० पैसा, सेतो आलु ४२ रुपैयाँ ५० पैसा, लोकल गाजर ५८ रुपैयाँ ३३ पैसा, तराई गाजर, लाम्चो भन्टा र सेतो हाइब्रीड मूला प्रतिकेजी ३५ रुपैयाँ तोकिएको छ ।
त्यस्तै, तने बोडी ८६ रुपैयाँ, लोकल घिउ सिमी प्रतिकेजी ९५ रुपैयाँ, भटमासकोशा २०० रुपैयाँ, लोकल परवर ७६ रुपैयाँ, पाकेको फर्सी ४० रुपैयाँ, भिण्डी ८६ रुपैयाँ, सखरखण्ड र रायोको साग ७६ रुपैयाँ ६७ पैसा, पालूगो र चमसूरको साग १३६ रुपैयाँ ६७ पैसा, मेथीको साग १३५ रुपैयाँ, कन्य च्याउ १३६ रुपैयाँ र डल्ले च्याउ ३ सय रुपैयाँ, कुरीलो ३७५ रुपैयाँ, न्यूरो ९५ रुपैयाँ र ब्रोकाउली ११० रुपैयाँ पर्नेछ ।
