आज बैंक तथा वित्तीय संस्थाबाट थप २५ अर्ब प्रशोचन गर्दै राष्ट्र बैंक
काठमाडौँ । हिजो मात्रै ५० अर्ब तरलता प्रशोचन गरेको नेपाल राष्ट्र बैंकले आज बैंक तथा वित्तीय संस्थाबाट थप २५ अर्ब तरलता खिच्ने भएको छ ।बैंकले ७ दिने निक्षेप संकलन उपकरण मार्फत जेठ १८ देखि जेठ २५ गतेसम्मका लागि २५ अर्ब निक्षेप संकलन गर्न लागेको हो ।
राष्ट्र बैंकबाट इजाजत पाएका क, ख र ग वर्गका बैंक तथा वित्तीय संस्थाले निक्षेप संकलनको बोलकबोलका लागि आवेदन दिन सक्नेछन् । ती संस्थाले कम्तिमा १० करोड देखि सो भन्दा माथि ५ करोडले भाग गर्दा निशेष भाग जाने रकम २५ अर्बसम्मै बोल गर्न सक्नेछन् ।
संकलित निक्षेपको साँवा तथा ब्याज राष्ट्र बैंकले जेठ २५ गते भुक्तान गर्नेछ । ब्याजको हकमा सबैभन्दा कम कबोल गरिएको ब्याजलाई पहिलो प्राथमिकतामा राखी त्यसै क्रमले बोल गरिएको रकम क्रमशस् बाँडफाँड हुनेछ । यसरी निक्षेप संकलन गरिएको रकम तरलता अनुपात तथा एसएलआरमा बैंक तथा वित्तीय संस्थाले गणना गर्न पाउनेछन् ।
बैंक तथा वित्तीय संस्थामा तरलता बढे पनि कर्जा विस्तार भने उत्साहजनक हुनसकेको छैन । अहिले सिडि रेसियो ८०.२७ प्रतिशत रहँदा अन्तर बैंक ब्याजदर २.९६ प्रतिशत रहेको छ ।
