सेयर बजारमा ५.५८ अंकको गिरावट, कारोबार रकम घट्यो
काठमाडौं । सेयर बजार परिसूचकसँगै कारोबार रकम घटेको छ । बुधबार नेप्से ५.५८ अंकले घट्दै २०७९.७१ विन्दुमा रह्यो । ८० लाख ४२ हजार ७६७ कित्ता सेयर ३ अर्ब ९९ करोड २९ लाख रुपैयाँमा किनबेच भएको छ । मंगलबार बजार ६.२२ अंकले बढ्दा परिसूचक नेप्से २०८५.३० को विन्दुमा थियो । ८३ लाख ५ हजार ७८६ कित्ता सेयर ४ अर्ब ८ करोड ४७ लाख रुपैयाँमा किनबेच भएको थियो ।
साताको चौथो दिन १५८ कम्पनीको सेयरमूल्य घटेको छ भने ८३ कम्पनीको मात्रै बढेको छ । ६ कम्पनीको सेयरमूल्यमा कुनै परिवर्तन छैन । बजारलाई ४.९२ प्रतिशतले बढेको म्युचुअल फण्डले थामेको छ । म्युचुअल फण्डसँगै लघुवित्त, उत्पादन तथा प्रशोधन र फाइनान्स उपसमूह बढेका छन् । लगानी उपसमूह स्थिर रहँदा वाणिज्य बैंक, विकास बैंक, होटल तथा पर्यटन, जलविद्युत, जीवन बीमा, निर्जीवन बीमा, व्यापार र अन्य उपसमूह घटेका छन् ।
घटेको बजारमा पनि भगवती हाइड्रोपावरको सेयरमा सकारात्मक सर्किट लाग्दा लगानीकर्ता फाइदामा रहे । मनकामना स्मार्ट लघुवित्त, माईखोला हाइड्रोपावर, विजय लघुवित्त, लक्ष्मी लघुवित्तलगायतका कम्पनीको सेयरमूल्य बढेको छ ।
सर्वाधिक कारोबार एनआरएन इन्फ्रस्ट्रक्चरको भएको छ । उक्त कम्पनीको १९ करोड ३ लाख रुपैयाँको सेयर कारोबार भएको छ । यस्तै सीइडीबी हाइड्रोपावरको १८ करोड ४३ लाख, सानिमा माई हाइड्रोपावरको १६ करोड ९९ लाख, पोखरा फाइनान्सको १२ करोड ६ लाख र ग्लोबल आइएमई लघुवित्तको ८ करोड ५३ लाख रुपैयाँको सेयर कारोबार भएको छ ।
सेयरमूल्य घट्नेमा अपर लोहोरेखोला हाइड्रोपावरका लगानीकर्ताले ५.५१ प्रतिशतले गुमाएका छन् । कुमारी धनवृद्धि योजना, कुमारी इक्विटी फण्ड, रसुवागढी हाइड्रोपावरका सेयरमूल्य घटेका छन् ।
