आजको फलफूल तथा तरकारीको बजार मूल्यः बढ्यो आलु, प्याजको भाउ
काठमाडौं । आज काठमाडौँमा आलु, प्याज, गाजर, काउलीदेखि बन्दासम्मको भाउ बढेको छ । यसअघि प्रतिकेजी ५६ रुपैयाँ ३३ पैसा रहेको रातो आलुको भाउ बढेर आज ७० रुपैयाँ पुगेको छ भने रातो आलु भारतीय प्रतिकेजी ५९ रुपैयाँ ३३ पैसा पुगेको छ । यता, मुडेको आलुसमेत प्रतिकेजी ४९ रुपैयाँबाट बढेर ५१ रुपैयाँ ३३ पैसा पुगेको छ भने सेतो आलुको भाउ स्थिर रहेको छ ।
आज सुकेको प्याज प्रतिकेजी ९३ रुपैयाँ ८० पैसा पुगेको छ भने लोकल गाजर प्रतिकेजी ९६ रुपैयाँ कायम भएको छ । यसैगरी लोकल बन्दा २७ रुपैयाँ ६७ पैसा रहेकोमा ९८.७७ प्रतिशतले बढेर प्रतिकेजी ५५ रुपैयाँ पुगेको छ भने ४५ रुपैयाँ पर्ने स्थानीय काउलीलाई आज ५६ रुपैयाँ पर्नेछ ।
