.jpg)
कुमारी बैंक र ईसेवाबीच इजी लोन सम्बन्धी विशेष सम्झौता
काठमाडौं । ईसेवाका ग्राहकलाई ईसेवा मोबाइल एप मार्फत इजी लोन सुविधा प्रदान गर्ने विषयमा कुमारी बैंक र ईसेवा लिमिटेडबीच सम्झौता भएको छ ।कुमारी बैंकसँगको सम्झौता अनुसार ईसेवाले आफ्ना ईसेवा एजेन्टलाई व्यवसाय वृद्धि गर्न विनाधितो २ लाख रुपैयाँसम्म डिजिटल कर्जा सजिलै प्रदान गर्नेछ ।
पहिलो चरणमा ईसेवा एजेन्टलाई मात्र यो इजी लोन सेवा उपलब्ध गराइने कम्पनीले जनाएको छ । ईसेवाका अनुसार चाँडै ईसवा मोबाइल एप प्रयोगकर्ताका लागि पनि यो सुविधा उपलब्ध गराउने तयारी रहेको छ ।ईसेवा मार्फत लिइने इजी लोन सुविधाबारे थप सर्तहरू ईसेवाको वोबसाइट र एप मार्फत जानकारी लिन सकिने कम्पनीले भनाइ छ ।
