भोलिदेखि सञ्चालनमा आउदै रसुवागढी–केरूङ राजमार्ग
काठमाडौं । बाढी पहिरोका कारण बन्द रहेको रसुवागढी–केरूङ राजमार्ग भोलिदेखि सञ्चालनमा आउने भएको छ। गत असोज ११ र १२ गतेको अविरल वर्षासँगै अवरूद्ध चिनिया भूभागको सडक आजसम्म पुनर्निर्माण सम्पन्न भएको छ ।
राजमार्ग सञ्चालनमा आउने भएसँगै नेपाल चीनबीचको व्यापार सहजीकरणमा ठुलो सहयोग मिल्नेछ। रसुवागढी–केरूङ खण्डअन्तर्गत ठोङ्सा नजिक चिनिया पाखामा पहिरो जाँदा उक्त राजमार्ग अवरूद्व भएको थियो।
