उच्च अंकले बढ्यो नेप्से परिसूचक, १२ अर्ब ९५ करोडको कारोबार
काठमाडौं । साताको पहिलो कारोबार दिन आइतबार नेप्से परिसूचक उच्च अंकले बढेको छ । अघिल्लो कारोबार दिन अर्थात् गत मंगलबार पनि बढेर बन्द भएको नेप्सेले आज पनि सोही क्रमलाई निरन्तरता दिएको हो ।
आज नेप्से परिसूचक ६९.८० अंक बढेर २७२७.५८ विन्दुमा पुगेको छ । त्यस्तै, सेन्सेटिभ इण्डेक्स १३.६४ अंक बढेको बढ्दा फ्लोट इण्डेक्स ४.९३ अंक र सेन्सेटिभ फ्लोट इण्डेक्स ४.५८ अंक बढेको छ ।
नेप्सेसँगै यस दिन कारोबार रकम पनि बढेको छ । गत मंगलबार ९ अर्ब ४० करोडको सेयर खरिदबिक्री भएको बजारमा आज ३३० स्टकको १ लाख ३० हजार ९१३ पटकको कारोबारमा १२ अर्ब ९५ करोड ५७ लाख रुपैयाँ बराबरको २ करोड ४८ लाख ४८ हजार कित्ता सेयर खरिदबिक्री भएको छ ।
