एलआईसीको लिलामी शेयर भर्ने अन्तिम दिन आज
काठमाडौं । लाइफ इन्स्योरेन्स कर्पोरेसन नेपाल लिमिटेड (एलआईसी) ले माघ २१ गतेदेखि लिलाम बढाबढमार्फत बिक्रीमा ल्याएको अवितरित हकप्रद शेयरमा आवेदन दिने आज अन्तिम दिन रहेको छ।
कम्पनीले मंसिर १२ गतेदेखि १ः०.८८४५१६८ अनुपातमा प्रतिशेयर १०० अंकित दरका २ करोड ३४ लाख ६८ हजार कित्ता हकप्रद निष्कासन गरेको थियो। यसमा बिक्री नभएका ४ लाख ९२ हजार ५७७ कित्ता लिलाममार्फत बिक्रीमा ल्याइएको हो।
पहिले कम्पनीले हकप्रदमा आवेदनको म्याद पुस २ गतेसम्म राखेको थियो। तर, पर्याप्त आवेदन नपरेपछि म्याद थपेर पुस १७ गतेसम्म आवेदन लिनुको साथै पछि हकप्रद बिक्री नभएपछि माघ २१ गतेदेखि लिलाममार्फत बिक्री सुरु गरिएको थियो।
