बढ्यो सुनको भाउ, कतिमा हुँदैछ कारोबार ?
काठमाडौं । आज पनि नेपाली बजारमा सुनको भाउ बढेको छ । बिहीबार सुनको भाउ तोलामा ५ सय रुपैयाँले बढेको हो । हिजो १ लाख ७० हजार ५०० रुपैयाँमा कारोबार भएको सुन आज १ लाख ७१ हजारमा कारोबार हुने नेपाल सुनचाँदी व्यवसायी महासंले जनाएको छ ।
यसअघि गत कात्तिक १५ गते सुनको भाउ हालसम्मकै उच्च प्रतितोला १ लाख ७१ हजार रुपैयाँ पुगेको थियो । यस्तै, आज चाँदीको १० रुपैयाँले बढेको छ । बुधवार तोलामा १ हजार ९८५ रुपैयाँ कायम भएको चाँदीको मूल्य बिहीबार एक हजार ९९५ रुपैयाँ कायम भएको छ ।
