.jpeg)
सगरमाथा आधार शिविरमा लेकका कारण एक श्रमिकको मृत्यु
काठमाडौं । सगरमाथा आधार शिविरमा लेक लागेर ५५ वर्षीय लानिमा शेर्पा नामक श्रमिकको मृत्यु भएको छ।
दोलखा जिल्लाको गौरीशंकर गाउँपालिका-९ का लानिमा शेर्पा सगरमाथा आधार शिविरमा काम गर्दै थिए। चैत १७ गते साँझ ७:३० बजे लेक लागेर बिरामी परेका उनलाई घोडामार्फत खुम्जुङ स्वास्थ्य चौकी लैजाने क्रममा चैत १८ गते थुक्लामा ज्यान गएको जिल्ला प्रहरी कार्यालयले जनाएको छ।
शवको कानुनी प्रक्रिया पूरा गरी परीक्षणका लागि हेलिकप्टरमार्फत टिचिङ अस्पताल काठमाडौँ लगिएको थियो। परीक्षणपछि शव उनका भतिजा पेमाछिरी शेर्पाले बुझी लरेका छन्।
