सिरहामा बसको फोटो खिचेको भन्दै पत्रकार यादवमाथि आक्रमण
काठमाडौँ । सिरहाका पत्रकार मुकेश यादवमाथि बसको फोटो खिचेको आरोपमा आक्रमण भएको छ। बरियारपटीमा भएको यस घटनामा घाइते भएका यादवको उपचार जनकपुरमा भइरहेको छ ।
धरिलो हतियारले आक्रमण गरेकोले उनी गम्भीर घाइते भएका छन् । उनलाई उपचारका लागि सिरहा अस्पतालमा भर्ना गरिएको थियो । त्यहाँ उपचार सम्भव नभएपछि जनकपुर पठाइएको छ ।
नेपाल पत्रकार महासंघ सिरहा शाखाले एक प्रेस विज्ञप्ति जारी गरी स्वतन्त्र प्रेसमाथि बारम्बार भइरहेका आक्रमणहरू प्रेस स्वतन्त्रता र लोकतन्त्रका लागि गम्भीर खतरा उत्पन्न भएको उल्लेख गरेको छ । घटनाको छानबिन गरी दोषीमाथि कारबाही गर्न महासंघले माग गरेको छ ।
