बिम्स्टेक सदस्य राष्ट्रहरूको हालै सम्पन्न शिखर सम्मेलनमा 'बैङ्कक सोचपत्र २०३०' जारी
काठमाडौँ । बङ्गालको खाडीमा बहुक्षेत्रीय प्राविधिक र आर्थिक सहयोगका लागि स्थापित बिम्स्टेक (BIMSTEC) को छैटौँ शिखर सम्मेलन हालै सम्पन्न भएको छ। यस सम्मेलनमा 'बैङ्कक सोचपत्र २०३०' जारी गर्दै क्षेत्रीय समृद्धि, लचिलोपन र खुलापनको लक्ष्य निर्धारण गरिएको छ। सम्मेलनले व्यापार विस्तार, सम्पर्क सञ्जाल र मानवीय सुरक्षालाई प्राथमिकता दिँदै बिम्स्टेक भिजनलाई परिभाषित गर्ने प्रस्तावहरू पारित गरेको छ।
सम्मेलनमा थाइल्याण्डका प्रधानमन्त्री पेथोङ्थान शिनावात्राले पारित प्रस्तावहरूको विवरण प्रस्तुत गर्दै, बिम्स्टेकलाई प्रभावकारी बनाउन कार्यमुखी संयन्त्र र प्रबुद्ध व्यक्तिहरूको समूह (Eminent Persons' Group) गठन गर्ने निर्णय गरिएको जानकारी दिए। यसका साथै, म्यारिटाइम ट्रान्सपोर्ट सम्झौता, भूकम्पबाट प्रभावित म्यान्मार र थाइल्याण्डलाई सहयोग गर्ने विषयहरू पनि छलफलमा समावेश थिए।
नेपालका प्रधानमन्त्री केपी शर्मा ओलीको थाइल्याण्डको पहिलो औपचारिक भ्रमण र त्यसपछि भारतीय प्रधानमन्त्री नरेन्द्र मोदीको भ्रमणले दुई देशबीचको सम्बन्धमा नयाँ आयाम थपिएको उल्लेखनीय छ। शिखर सम्मेलनमा प्रधानमन्त्री ओलीसहित सदस्य राष्ट्रका सरकार प्रमुखहरूले सम्बोधन गरेका थिए।
