.jpeg)
राज्य व्यवस्था समिति : राजावादी समूह र दुर्गा प्रसाईविरुद्ध कडा टिप्पणी
काठमाडौँ । गृहमन्त्री रमेश लेखकले राजावादी समूहको १५ चैतको तीनकुनेमा भएको प्रदर्शन हिंसात्मक बन्नुमा उनीहरूको नै जिम्मेवारी रहेको बताए। उनले भने कि उक्त प्रदर्शनको उद्देश्य संविधान र व्यवस्थाप्रति वितृष्णा फैलाउने मात्र थियो र यो अराजकता मच्चाउने प्रयास थियो।
शुक्रबार प्रतिनिधि सभा राज्य व्यवस्था समितिको बैठकमा बोल्दै गृहमन्त्री लेखकले भनें कि संविधानले शान्तिपूर्वक भेला हुने अधिकार सुनिश्चित गरेको छ भने पनि प्रदर्शनको क्रममा भएको तोडफोड र आक्रमण कुनै राजनीतिक दर्शनबाट प्रेरित नहुने पनि उनले औंल्याए। उनले सरकारको कडा धारणा प्रकट गर्दै भनें कि अराजक कार्य गर्नेहरूको कानूनी र नैतिक जिम्मेवारी उनीहरूकै माथि पर्नेछ।
उनले आगामी दिनमा यस्तो अराजकता रोक्न सरकार प्रतिबद्ध रहेको बताएका छन् र नागरिकलाई सचेत गराउन आग्रह गरेका छन्। गृहमन्त्री लेखकले भने, "शान्तिपूर्वक असहमतिका विचार राख्न सबैलाई अधिकार छ, तर अराजक गतिविधिहरू भने अक्षम्य छन्।"
घटनामा सहभागी १४८ जनालाई नियन्त्रणमा लिइएको र छानबिन भइरहेको जानकारी पनि उनले दिए
