.jpeg)
जलेश्वर मालपोत कार्यालयका नासु र दुई अन्य व्यक्तिलाई घुससहित पक्राउ
काठमाडौँ । महोत्तरी जिल्लाको भूमिसुधार तथा मालपोत कार्यालयका नायब सुब्बा दीपेन्द्र नारायण चौधरीसहित तीन जनाविरुद्ध अख्तियार दुरुपयोग अनुसन्धान आयोगले विशेष अदालतमा अभियोगपत्र दायर गरेको छ।
अख्तियारको बर्दिबास कार्यालयबाट खटिएको टोलीले सेवाग्राहीबाट रु ३५,००० घुस लिइसकेको अवस्थामा नायब सुब्बा चौधरी, खरिदार मुन्नुकुमार दास र लेखापढी कानुन व्यवसायी जिवछ महतोलाई पक्राउ गरेको थियो।
तीनै जनाविरुद्ध विशेष अदालतमा एक महिनादेखि ६ महिना कैद र रु ३५,००० बिगो मागदाबी गरिएको छ।
